جو ایک نظر ادھر بے_نیاز ہو جائے

جو ایک نظر ادھر بے نیاز ہو جائے

تیرے غلام کو قسمت پہ ناز ہو جائے

تجھے پسند جو رنگ مجاز ہو جائے

تو خود مجاز حقیقت نواز ہو جائے

تو جس پہ ڈال دے اپنے کرم کا اک پرتو

طلب بے غیر کے وہ بے نیاز ہو جائے

جہاں پہ شمس و قمر اپنا سر جھکاتے ہیں

وہیں نگوں میں جبین نیاز ہو جائے

اس انتظار میں رہتا ہے دل کا آئینہ

مکیں تجلی آئینہ ساز ہو جائے

نماز حق میری وہ نماز ہے کیفیؔ

تیرے قدم پہ جو سر ہو نماز ہو جائے