میرے وارث تمہارا کرم ہی کرم اب کسی کے کرم کی ضرورت نہیں

میرے وارث تمہارا کرم ہی کرم اب کسی کے کرم کی ضرورت نہیں

ہر طرح مطمئن ہے میری زندگی کیسے کہہ دوں کی مجھ پر عنایت نہیں

بندۂ عشق پابند تسلیم ہوں لے کے آیا ہوں فطرت بھی خوئے وفا

جو تمہاری خوشی ہے وہ ہے میری خوشی کوئی شکوہ نہیں کوئی شکایت نہیں

نام لب پہ تیرا یاد دل میں تیری یہ وظیفہ ہے ایک شغل حسیں

کٹ رہی ہے بڑے لطف سے زندگی کچھ تمنّا نہیں کوئی حسرت نہیں

تو سراپا کرم کانِ فیض وعطا وارثِ ہر دو عالم شفیع الورا

جس نے سمجھا تجھے جس نے مانا تجھے روزِ محشر وہ محرومِ رحمت نہیں