طالب ہوں میں اسی سے کرم کی نگاہ کا

طالب ہوں میں اسی سے کرم کی نگاہ کا

پروردگار ہے جو سفید وسیاہ کا

جب سامنا ہوا کرم بے پناہ کا

چہرہ اتر گیا مری فردِ سیاہ کا

آساں نہیں ہے کوئی ٹھکانا نگاہ کا

ہر ذرہ آفتاب ہے اس جلوہ گاہ کا

عالم تمام عالم انوار بن گیا

بادل اٹھا جو گھر کے تری گرد راہ کا

اللہ رے اس کے فضل وکرم کی نوازشیں

نقشہ بدل گیا مرے حالِ تباہ کا

منزل ہے جس کی قبر وہ درپیش ہے سفر

معراجؔ کچھ خیال بھی ہے زادِ راہ کا