وہ دلبر کیوں خفا ہے کیا سبب ہے
وہ دلبر کیوں خفا ہے کیا سبب ہے
وہ کیا میری خطا ہے کیا سبب ہے
وہی فاعل وہی مفعول ہے وہ
یہ عاجز کیا بلا ہے کیا سبب ہے
وہی تھا اور وہی ہوگا وہی ہے
عجب ناز وادا ہے کیا سبب ہے
وہی فی الارض میں اور والسما میں
وہی عرش علیٰ ہے کیا سبب ہے
وہی میرا طبیب راز دل ہے
وہی میری دوا ہے کیا سبب ہے
وہ ایسا ہم سے کیوں بگڑا ہے یارو
نہ چکھ مہرو وفا ہے کیا سبب ہے
تصدق کر دیا میں جان و دل کو
وہ کیوں مجھ سے چھپا ہے کیا سبب ہے
جدا ہے وہ نہ اس سے میں جدا ہوں
یہ کیوں جور و جفا ہے کیا سبب ہے
کوئی اس کے سوا ہو تو کہے وہ
یہ کیا جھگڑا پڑا ہے کیا سبب ہے
سدا ہے میراںؔ شاہ مشتاق و شیدا
مگر وہ بے ریا ہے کیا سبب ہے
- کتاب : گلدستۂ میران شاہ (Pg. 41)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
