غلام ان کے در کا نمایاں نمایاں
غلام ان کے در کا نمایاں نمایاں
ہے شاہوں سے اچھا نمایاں نمایاں
اِطاعت جو پیارے نبی کی کرے گا
جہاں میں رہے گا نمایاں نمایاں
کتابِ خدا کو محبت سے دیکھو
ہے کردار ان کا نمایاں نمایاں
نہیں کوئی بھی ان کے جیسا جہاں میں
شہِ دین و دنیا نمایاں نمایاں
گل سرخ ہے جیسے پھولوں میں اعلیٰ
رسل میں ہیں آقا نمایاں نمایاں
رِسالت کا اِتمام ہے مصطفیٰ پر
ہے قرآن کہتا نمایاں نمایاں
نہیں کوئی ایسی عمارت زمیں پر
نبی کا ہے روضہ نمایاں نمایاں
اسے خسروی سے ہے بہتر فقیری
جو ہے ان کا منگتا نمایاں نمایاں
پکارا انہیں جب کبھی رنج و غم میں
کرم ان کا برسا نمایاں نمایاں
انہیں کے کرم کی بدولت ہے مرزاؔ
سخن آج تیرا نمایاں نمایاں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
