شاہِ ہر دوسرا آپ ہیں آپ ہیں
شاہِ ہر دوسرا آپ ہیں آپ ہیں
احمدِ مجتبیٰ آپ ہیں آپ ہیں
مٹ گئی تیرگی ہوگئی روشنی
نورِ رب العلیٰ آپ ہیں آپ ہیں
مشکلیں آفتیں کیوں ڈرائیں ہمیں
جب کہ مشکل کشا آپ ہیں آپ ہیں
انتخاب آپ کی ذات کا ہو گیا
یا نبی مصطفیٰ آپ ہیں آپ ہیں
ہوگئی ہے نبوت رسالت تمام
خاتم الانبیا آپ ہیں آپ ہیں
خوں کے پیاسوں کو دے جو کہ امن و اماں
ایسے بس رہنما آپ ہیں آپ ہیں
کیوں نہ مالک کہوں کیوں نہ مولیٰ کہوں
کہ حبیبِ خدا آپ ہیں آپ ہیں
عبد ہیں بے مِثال اے شہِ خوش خِصال
اپنے رب کی عطا آپ ہیں آپ ہیں
خوف مرزاؔ کو ہو حشر کا کِس لیے
اس کے حامی شہا آپ ہیں آپ ہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
