Sufinama

مشکل_کشا کرم_اللہ وجہٗ

اکبر وارثی میرٹھی

مشکل_کشا کرم_اللہ وجہٗ

اکبر وارثی میرٹھی

MORE BYاکبر وارثی میرٹھی

    اے بادشاہ لا فتیٰ مولا علی مشکل کشا

    ہم راز محبوب خدا مولا علی مشکل کشا

    کیا اصفیا کیا اوصیا کیا اتقیا کیا اولیا

    ہے سب کا تم سے سلسلہ مولا علی مشکل کشا

    شاہ زمن کعبہ وطن اژدر فگن خیبر شکن

    مرحبا صد مرحبا مولا علی مشکل کشا

    کیا شان ہے شان نبیؐ کیا آن ہے آن نبیؐ

    کیا نام ہے نام خدا مولا علی مشکل کشا

    نور صمد شیر احد ماہ شرف شاہ نجف

    ابر کرم بحر سخا مولا علی مشکل کشا

    چاہا رسول اللہ نے تلوار دی اللہ نے

    ٹھہرے نصیر کے خدا مولا علی مشکل کشا

    اس آنکھ سے جس آنکھ نے مخمور دو عالم کئے

    میری طرف بھی دیکھنا مولا علی مشکل کشا

    ہو جائے رد اس کی بلا جو یہ کہے صبح و مسا

    مشکل میں ہوں آ جاؤ یا مولا علی مشکل کشا

    کب تک صعوبت میں رہوں کب تک یہ رنج و غم سہوں

    آخر تو ہوں میں آپ کا مولا علی مشکل کشا

    بے بس کڑی منزل میں ہوں بیکس بڑی مشکل میں ہوں

    کیجے مری امداد یا مولا علی مشکل کشا

    اکبرؔ جو چاہے مانگنا وارثؔ کا دے دے واسطہ

    پھر دیکھنا دیتے ہیں کیا مولا علی مشکل کشا

    مأخذ :
    • کتاب : ریاض اکبر: اصلی دیوان اکبر (Pg. 20)
    • Author : محمد اکبر خاں وارثی
    • مطبع : مطبع مجیدی، میرٹھ

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے