سر وہی سر ہے جو سودائے پیمبر لائے

سر وہی سر ہے جو سودائے پیمبر لائے

دل وہی د ل ہے جو عکس رخِ حیدر لائے

یہ تو بس شیرِ خدا ہی تھے جومنزل منزل

مژدہ بدر کبھی مژدہ خیبر لائے

اب سہی جاتی نہیں طعنے کی باتیں یارب

لوگ کہتے ہیں کہ ہم پھوٹا مقدر لائے

اللہ اللہ رے امامت ونبوت کا مزاج

لائے حیدر اسے تو اس کو پیمبر لائے

ٹپکا پڑتا ہے نگاہوں سے جلالِ داور

کس کی ہمت ہے جو تابِ رخِ حیدر لائے

کس طرح اس کو مسلماں کہے غیرت حق

سربازار جو زینب کو کھلے سرلائے

جامِ رحمت میں چھپا کر مئے عرفاں جامیؔ

بادہ نوشوں کے لئے ساقی کوثر لائے