ساقی علی ہیں ہاتھ میں عرفاں کا جام ہے

ساقی علی ہیں ہاتھ میں عرفاں کا جام ہے

رندانِ حق چلو کہ بڑا اہتمام ہے

شیرِ خدا جہاں میں بلندی کا نام ہے

میں کیا سمجھ سکوں جو علی کا مقام ہے

حسنِ عمل ہی شانۂ زلفِ حیات ہے

ایماں ہے یہ علی کا نبی کا پیام ہے

اب لیجیے خبر مری شاہِ ابو تراب

اہلِ جفا کی زد میں تمہارا غلام ہے

مولیٰ مرے عطا کریں صدقہ حسین کا

دستِ طلب اٹھائے ہر اک خاص و عام ہے

مولیٰ سہارا دیجیے اپنے مبینؔ کو

ایسی قضا ہے آج کہ جینا حرام ہے