ذکرِ احمد اپنی عادت کیجیے
ذکرِ احمد اپنی عادت کیجیے
اس طرح اظہارِ الفت کیجیے
چاہتے ہیں گر خدا کی رحمتیں
پیارے آقا سے محبت کیجیے
ان کی یادیں دل میں رکھیے ہر گھڑی
اور یوں سامانِ راحت کیجیے
دوجہاں میں سرخرو ہو جائیے
ہر عمل پابندِ سنت کیجیے
بول اٹھیں گے قبر میں منکر نکیر
آ گئے آقا زیارت کیجیے
حشر میں ہو گی یہ بخشش کا سبب
رات دن آقا کی مدحت کیجیے
رحمۃ اللعٰلمینی کے طفیل
یا نبی ہم پر بھی رحمت کیجیے
آپ ہیں مخلوق کے حاجت روا
پوری آصفؔ کی بھی حاجت کیجیے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
