نگاہیں اضطراب بے چین دل، منزل فنا کی ہے

نگاہیں اضطراب بے چین دل، منزل فنا کی ہے

مرے مولیٰ کرم تیرا، دہائی مصطفیٰ کی ہے

درِ دولت پہ حاضر ہو فقط ٹوٹے ہوئے دل سے

زمانے بھر میں شہرت آپ کے حسنِ عطا کی ہے

مدد ہو غوثِ اعظم کی تو پھر مشکل نہیں مشکل

حیاتِ عارضی میں فکر بھی روزِ جزا کی ہے

مشیت تابع حکمِ خداوندی تو ہے لیکن

دلابت، یہ ولایت آج بھی غوث الوریٰ کی ہے

درِ رحمت ہے را، کس سونچ میں ہے، آ بھی جاؤں

مقدر بن بھی سکتا ہے، ضرورت التجا کی ہے

یہاں تم اپنی مرضی کے مطابق چل نہ پاؤ گے

یہ منزل فی الحقیقت عشق میں صبر و رضا کی ہے

حقیقت اک حقیقت ہے حقیقت چھپ نہیں سکتی

یہاں پیری حقیت پر رحمت خدا کی ہے

نہ منصور ہوں کوئی نہ سولی ہے میری منزل

یہاں کیا دخل میرا یہاں مرضی خدا کی ہے

طلب صادق اگر ہو جنوں کی تو دوری نہیں

تمنا میری اے باسطؔ درِ غوث الوریٰ کی ہے