حضرت قرآں علی و حضرت فرقاں علی

حضرت علی ہی قرآن اور فرقان ہیں علی ہی دین و ایمان اور جان و جاناں ہیں۔

آپ جنگ خیبر کے سورما ہیں اور انا فتحنا آپ کا پرچم ہیں، آپ نبی کے قوتِ بازو اور بہادروں کے سردار ہیں۔

آپ لوکشف کے راز دار ہیں اور من کنت مولا کا مفہوم ہیں، اخوت میں آپ دنیا کے سارے بھائیوں سے سبقت لے گیے ہیں۔

تقرب الہٰی میں آپ مرد یکتا ہیں اور حضرت بتول کے شریک حال ہیں، ہماری قسمت بدل دینے والے مشکل کشا علی ہیں۔

دلوں کے عرش کا شہ نشین آپ کی خاص تکیہ گاہ ہے حضرت علی انسان کامل ہیں اور نفس رحمانی کے مظہر ہیں۔

ابو الارواح حضرت احمد مجتبیٰ نے آپ کو ابو تراب کا خطاب دیا ہے، کیوں کہ آدم خاکی کی جان حضرت علی ہیں۔

آپ بحر کرم کی وہ موج ہیں جس نے حضرت نوح کی کشتی کو طوفان سے نجات دی، حضرت علی حکمت کی سیپیوں کے موتی اور معرفت کے گوہر ہیں۔

نصیری یہ کہتا ہے کہ علی عین خدا ہے، میں بھی یہی کہتا ہوں کہ خدا علی کی انسانی صورت میں ہے۔

اس میں (نصیری میں) اور مجھ میں اسلام اور کفر کا فرق ہے جس کو وہ علی کہتا ہے میری مراد اس علی سے نہیں ہے۔

حضرت علی پیغمبر نہیں لیکن رسالت مآب کے ساتھ آپ کی منزلت ایسی ہی ہے جیسی کہ حضرت موسیٰ کے ساتھ ہارون کی۔

اے راز تو آہ و زاری کیوں کرتا ہے اب اُن کا دامن تھام کہ ہر بیمار دلِ کی دوا اور علاج ذات علوی ہے۔