دیکھوں میں اپنی آنکھوں سے روضہ صدرالدین بخاری کا

دیکھوں میں اپنی آنکھوں سے روضہ صدرالدین بخاری کا

کاش کبھی ہوجائے اشارہ صدرالدین بخاری کا

آنے والا در پر سائل لوٹا نہیں محروم کبھی

لے کے گیا دامن میں وہ صدقہ صدرالدین بخاری کا

یوں تو جہاں میں اور بھی ہیں جو درد کا درماں کرتے ہیں

چاہیے میرے دل کو مداوا صدرالدین بخاری کا

دین کی رہبر آج بھی دنیا میں نسل ربانی ہے

فضلِ خدا سے گلشن مہکا صدرالدین بخاری کا

وہ تو ہوا گجرات کا والی وہ تو ہوا مخدومِ اودھ

جس نے بھی کھایا ہے ٹکڑا صدرالدین بخاری کا

مجھ کو بھی ہے عرفانِؔ محبت مجھ پہ بھی ہے فیضانِ کرم

میری بھی بستی میں ہے گھرانہ صدرالدین بخاری کا