معراج کی رتیا دھوم یہ تھی، اِک راج دلارا آوت ہے

معراج کی رتیا دھوم یہ تھی، اِک راج دلارا آوت ہے

لولاک کا سہرا سرسو ہے، وہ احمد پیارا آوت ہے

حوروں نے کہا جب بِسمِ اللہ، غِلماں نے پکارا اِلاّ اللہ

خود رب نے کہا ماشااللہ، محبوب ہمارا آوت ہے

جبریلِ امیں یہ کہتے چلے، اے عرشیو تمرے بھاگ جگے

تعظیم کو سب ہو جاؤ کھڑے، سرادار تمہارا آوت ہے

یٰسیں کی چمک ہے داتن میں، طہٰ کا کرشمہ آنکھن میں

والفجر کا جلوہ گالن میں، وہ عرش کا تارا آوت ہے

مازاغ کا کجلہ نہیں بھرے، والشمس کا بٹنہ مکھ پہ مَلے

ہے میم کا گھونگھٹ سہرے تَلے، وہ رب کا سنوارا آوت ہے

دھرتی سے اٹھا آفاق چڑھا، ممتاز یہ غل تھا چاروں طرف

لو حق سے ملنے صلِ علی، سردار ہمارا جاوت ہے