Font by Mehr Nastaliq Web

محمد آبروئے مؤمناں ہیں

مصطفیٰ حیدر حسن مارہروی

محمد آبروئے مؤمناں ہیں

مصطفیٰ حیدر حسن مارہروی

MORE BYمصطفیٰ حیدر حسن مارہروی

    محمد آبروئے مؤمناں ہیں

    محمد بادشاہِ مرسلاں ہیں

    محمد شرحِ آیاتِ الٰہی

    کتابِ رطب و یابس کا بیاں ہیں

    خدا کی عظمت و قدرت کے جلوے

    رخِ پُرنور سے ان کے عیاں ہیں

    خدا نے عرش پر جن کو بلایا

    یہی تو وہ معزز میہماں ہیں

    ہے پیدائش انہیں کی اصلِ عالم

    یہی بے شک بنائے ایں و آں ہیں

    انہیں کے دم سے ہے ساری خدائی

    یہی تو رونقِ بزمِ جہاں ہیں

    جو سنگ ریزے حضوری میں ہیں حاضر

    وہ رشکِ لعل و یاقوتِ جناں ہیں

    محب ان کا چہیتا ہے خدا کا

    یہ محبوبِ خدائے دوجہاں ہیں

    حسنؔ سن! ہاتفِ غیبی پکارا

    بہ فضلِ رب وہ تجھ پر مہرباں ہیں

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta 11th Edition | 29-30-31 Jan, 2027 Buy Tickets

    بولیے