نہیں آپ سا دوسرا غوث اعظم

نہیں آپ سا دوسرا غوث اعظم

محب حبیب خدا غوث اعظم

مرادِ دل مصطفیٰ غوث اعظم

نبی کے ہو دست عطا غوث اعظم

در گنج عرفان و عشق محمد

ولاسے تمہاری کھلا غوث اعظم

ہوئے تم جو راضی خدا بھی ہے راضی

ہیں راضی رسولِ خدا غوث اعظم

یقیں ہے مجھے اپنی منزل رسی کا

مرے پیشوا رہنما غوث اعظم

ملے کچھ تو نعم البدل مجھ کو آخر

شب ہجر کا دو صلہ غوث اعظم

تمہی تو ہو نائب رسولِ خدا کے

غریبوں کا ہو آسرا غوثِ اعظم

علو مرتبت آپ ہیں اؤلیا ہیں

برا ہوں، میں سب سے برا غوثِ اعظم

خدا بھی اسی کا خدائی بھی اس کی

ہوا دل سے جو آپ کا غوث اعظم

فدا جان و دل سے تصدق تھے تم پر

فدائی تھے تم پر فدا غوث اعظم

سند قادریت کی صاحبؔ نے پائی

ملا جو بھی تم سے ملا غوث اعظم