پکاریں یا علی کس کو کسی سے دل نہیں ملتا

پکاریں یا علی کس کو کسی سے دل نہیں ملتا

کوئی مشکل کشا ہم کو دمِ مشکل نہیں ملتا

سہارا اک یہی ہے بحرِ غم سے پار ہونے کا

تمہارا چھٹ گیا دامن تو پھر ساحل نہیں ملتا

خضر نے بھی تمہی کو رہنما اپنا بنایا تھا

کہ راہِ حق میں تم سا رہبرِ کامل نہیں ملتا

علی کے ساتھ حق ہے اور حق کے ساتھ ہے حیدر

یہ وہ حق ہے کہ جس کی راہ میں باطل نہیں ملتا

تمہارے در سے جو محروم مقصد ہو کے پلٹا ہو

فقیر ایسا نہیں ملتا کوئی سائل نہیں ملتا

صلہ اے نجمؔ دنیا میں کہا تو صیف حیدر کا

کہ جنت کے سوا اس سعیِ کا حاصل نہیں ملتا