ان کا جلوہ سیرِ گلشن ہے بہ عنوانِ بہار

ان کا جلوہ سیرِ گلشن ہے بہ عنوانِ بہار

ہر کلی شاداب ہے ہر پھول ہے جانِ بہار

آج بدلا ہے چمن کا رنگ آخر کس لیے

آ رہا ہے کون گلشن میں بہ عنوانِ بہار

یا علی تم سے ہے وابستہ بشر کی زندگی

تم ہی ہو جانِ تمنا تم ہی ہو جانِ بہار

آئینہ بلّغ نے آ کر اس کو واضح کر دیا

گلشنِ توحید کا ہر پھول ہے جانِ بہار

ذکرِ آلِ مصطفیٰ ہے ذکر ختم المرسلین

گلنشِ ایماں کی خاطر ہے یہی جانِ بہار

دستِ پیغمبر سے جب حیدر نے پائی ذوالفقار

بن گئی وہ بہرِ گلزارِ عمل جانِ بہار

لافتیٰ الا علی کہتا ہوا آیا ملک

فاتحِ خیبر چلا جب لے کے سامانِ بہار

دشتِ وحشت خیز مرقد سے ہمیں ہو خوف کیا

حبِ آلِ مصطفیٰ ہے ساز و سامانِ بہار

جس کی مرضی مرضیٔ خلاقِ عالم ہے نسیمؔ

ہے شہنشاہِ مشیت اور سلطانِ بہار