آپ کا ہے یہ فیضِ نظر مصطفیٰ

آپ کا ہے یہ فیضِ نظر مصطفیٰ

ہم ہیں ایمان سے بہرہ ور مصطفیٰ

آپ کرتے نہ اعلان اگر مصطفیٰ

مانتا کون مثلِ بشر مصطفیٰ

آپ کی یاد ہے میری ہر سانس میں

اور ہے سانس آٹھوں پہر مصطفیٰ

سمٹی ایسی کہ اک شب میں طے ہو گئی

وہ جو صدیوں کی ہے رہ گزر مصطفیٰ

عرش پہلے سے کچھ اور اونچا ہوا

شب کی شب میں قدم چوم کر مصطفیٰ

چاہتا ہے کہ سر سبز ہو سوکھ کر

گلستانوں کا ہر اک شجر مصطفیٰ

آپ کے غم کو صدیاں بھی کافی نہیں

زیست تو ہے بہت مختصر مصطفیٰ

دور رہ کر بھی دیکھا ہے نزدیک سے

تھی وہ کسیی اویسی نظر مصطفیٰ

جب سے منسوب ہیں زلف و رخسار سے

بڑھ گئی شان شام و سحر مصطفیٰ

حق ادا کرنے دیجے مجھے آنکھ کا

اک نظر آپ کو دیکھ کر مصطفیٰ

آپ کو دیکھ کر کس کو دیکھ عدیلؔ

ہے کہاں آنکھ میں اب نظر مصطفیٰ