غلاموں پہ اپنے یہ الطاف آقا مدینے سے ہم کو سلام آ رہا ہے

غلاموں پہ اپنے یہ الطاف آقا مدینے سے ہم کو سلام آ رہا ہے

ادھر سے دردوں کی ڈالی چلی ہے اُدھر سے کرم کا پیام آ رہا ہے

جبیں ہے کہ خود ہی جھکی جا رہی ہے ابد کا وہ نازک مقام آ رہا ہے

نظر ہے کہ سجدے ادا کر رہی ہے محمد کا دارالسلام آ رہا ہے

کوئی دل شکستہ بہ حال پریشاں غموں کا ستایا مصیبت کا مارا

زیارت کی دھن میں مدینے کی جانب حضور آب کا اک غلام آ رہا ہے

شب غم کی قسمت بدلنے لگی ہے خوشی کے ستارے چمکنے لگے ہیں

حبیب خدا جلوہ فرما ہیں دل میں نظر آج ماہ تمام آ رہا ہے

گناہوں کی تاریکیا مٹ رہی ہیں شفاعت کے انوار پرتو فگن ہیں

قیامت قیامت پہ چھائی ہوئی ہے کہ محشر میں محشر خرام آ رہا ہے

تمہارے غلاموں کی حالت ہے ابتر نہ جینے کا امکاں نہ مرنیے کی فرصت

سکوں کی ہمیں جستجو ہے مگر وہ سحر آ رہا ہے نہ شام آ رہا ہے