نوری محفل پہ چادر تنی نور کی نور پھیلا ہوا آج کی رات ہے
نوری محفل پہ چادر تنی نور کی نور پھیلا ہوا آج کی رات ہے
چاندنی میں ہیں ڈوبے ہوئے دو جہاں کون جلوہ نما آج کی رات ہے
فرش پر دھوم ہے عرش پر دھوم ہے بد نصیبی ہے اس کی جو محروم ہے
پھر ملے گی یہ شب کس کو معلوم ہے عام لطف خدا آج کی رات ہے
ابر رحمت ہیں محفل پہ چھائے ہوئے آسماں سے ملائک ہیں آئے ہوئے
خود محمد ہیں تشریف لائے ہوئے کیسی رونق فزا آج کی رات ہے
خوب ہونے دو اشکوں کی برسات کو دو سلامی محمدؐ کی بارات کو
چوم لو چوم لو آج کی رات کو شب قدر کے گماں آج کی رات ہے
مانگ لو مانگ لو چشم تر مانگ لو درد دل اور حسن نظر مانگ لو
کملی والے کی نگری میں گھر مانگ لو مانگنے کا مزا آج کی رات ہے
چاندنی میں ہیں ڈوبے ہوئے دو جہاں کون جلوہ نما آج کی رات ہے
مومنو آج گنج سخا لوٹ لو لوٹ لو آج فیض و شفا لوٹ لو
عاصیو رحمت مصطفیٰ لوٹ لو باب رحمت کھلا آج کی رات ہے
وقت لائے خدا سب مدینے چلیں لوٹنے رحمتوں کے خزینے چلیں
سب کی منزل کی جانب سفینے چلیں میری صائمؔ دعا آج کی رات ہے
نوری محفل پہ چادر تنی نور کی نور پھیلا ہوا آج کی رات ہے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
