chehra-e-vashshams kaa har dam nazaara chaahiye

chehra-e-vashshams kaa har dam nazaara chaahiye

gesu-e-vallail kaa is sar me.n saudaa chaahiye

KHvaahish-e-duniyaa nahii.n hai hubb-e-maulaa chaahiye

aa.nkh me.n kaa'ba rahe dil me.n madiina chaahiye

duurii-e-arz-e-madiina me.n hai kyaa 'aalam na puuchh

zindagii ne kis qadar sau.npe hai.n mujh ko Gam na puuchh

aah-e-sozaa.n naala-e-shabgiir chashm-e-nam na puuchh

aaj to ye haal hai kal hogaa kyaa hamdam na puuchh

kyaa dikhaatii hai merii taqdiir dekhaa chaahiye

kar diyaa ifshaa rumuuz-e-’ishq ne raaz-e-daruu.n

kyuu.n na mai.n ek baar apne aap ko aavaaz duu.n

is se ba.Dh kar aur kyaa hogaa miraa haal-e-zabuu.n

hosh kii had se guzar kar kahtaa hai meraa junuu.n

mai.n tamaashaa.ii banuu.n 'aalam tamaashaa chaahiye

rahmatul-lil'aalamii kaa allaah allaah vo maqaam

kartaa hai KHud KHaaliq-e-akbar bhii jin kaa ehtiraam

pahle bheje hai.n duruud aur baa'd me.n apnaa payaam

’ain-e-be-adbii hai lenaa naam-e-aaqaa be-salaam

kamlii vaale kaa adab se naam lenaa chaahiye

jaantaa hai KHuub tuu ai raaz-e-vahdat ke amii.n

miim kii chaadar ko o.Dhe hai ko.ii parda-nashii.n

baat ye 'ainul-yaqii.n se ban ga.ii haqq-ul-yaqii.n

dekhnaa jalva kisii kaa is qadar aasaa.n nahii.n

jazba-e-mansuur ho yaa zauq-e-muusaa chaahiye

putla-e-kHaakii 'abas hai KHvaahish-e-naam-o-numuud

miTne vaalaa hai jahaa.n se ek din teraa vujuud

hai yahii ik baa’is-e-kHushnuudii-e-rabb-e-vujuud

raat-din tuu bhej 'qaisar' naam-e-aaqaa par duruud

ho.nTo.n pe salle-'alaa sal'am vaziifa chaahiye

chehra-e-vashshams kaa har dam nazaara chaahiye

gesu-e-vallail kaa is sar me.n saudaa chaahiye

KHvaahish-e-duniyaa nahii.n hai hubb-e-maulaa chaahiye

aa.nkh me.n kaa'ba rahe dil me.n madiina chaahiye

duurii-e-arz-e-madiina me.n hai kyaa 'aalam na puuchh

zindagii ne kis qadar sau.npe hai.n mujh ko Gam na puuchh

aah-e-sozaa.n naala-e-shabgiir chashm-e-nam na puuchh

aaj to ye haal hai kal hogaa kyaa hamdam na puuchh

kyaa dikhaatii hai merii taqdiir dekhaa chaahiye

kar diyaa ifshaa rumuuz-e-’ishq ne raaz-e-daruu.n

kyuu.n na mai.n ek baar apne aap ko aavaaz duu.n

is se ba.Dh kar aur kyaa hogaa miraa haal-e-zabuu.n

hosh kii had se guzar kar kahtaa hai meraa junuu.n

mai.n tamaashaa.ii banuu.n 'aalam tamaashaa chaahiye

rahmatul-lil'aalamii kaa allaah allaah vo maqaam

kartaa hai KHud KHaaliq-e-akbar bhii jin kaa ehtiraam

pahle bheje hai.n duruud aur baa'd me.n apnaa payaam

’ain-e-be-adbii hai lenaa naam-e-aaqaa be-salaam

kamlii vaale kaa adab se naam lenaa chaahiye

jaantaa hai KHuub tuu ai raaz-e-vahdat ke amii.n

miim kii chaadar ko o.Dhe hai ko.ii parda-nashii.n

baat ye 'ainul-yaqii.n se ban ga.ii haqq-ul-yaqii.n

dekhnaa jalva kisii kaa is qadar aasaa.n nahii.n

jazba-e-mansuur ho yaa zauq-e-muusaa chaahiye

putla-e-kHaakii 'abas hai KHvaahish-e-naam-o-numuud

miTne vaalaa hai jahaa.n se ek din teraa vujuud

hai yahii ik baa’is-e-kHushnuudii-e-rabb-e-vujuud

raat-din tuu bhej 'qaisar' naam-e-aaqaa par duruud

ho.nTo.n pe salle-'alaa sal'am vaziifa chaahiye