ہوئی پُرنور یہ محفل جو آلِ مصطفیٰ کی ہے

ہوئی پُرنور یہ محفل جو آلِ مصطفیٰ کی ہے

’’مزارِ پیر محی الدین پر رحمت خدا کی ہے‘‘

اسی کی چاہ میں پیر محی الدین کو چاہا

میں صدقے جاؤں اس کی جس نے یہ چاہت عطا کی

خدا کی راہ سے ہٹ کر قدم اٹھتا نہیں جن کا

یہ وہ رستہ ہے جس پر چھاپہ ان کے نقشِ پا کی ہے

ان ہی کی آل سے اک اور محی الدین ہادیؔ ہیں

وسیلہ ہیں ہمارا شان یہ رب العلیٰ کی ہے

ملا دے ان کے دامن سے ترے محبوب کے صدقے

مرے اللہ سے میں نے یہی اک التجا کی ہے

وسیلہ آپ کا دے کر جو مانگا پھر گئی جھولی

ہوئی آسان مشکل شان یہ مشکل کشا کی ہے

بھلا چاہیں گے یہ سب کا یہ ہیں آلِ محمد سے

میرے سرکار نے دشمن کے حق میں بھی دعا کی ہے

وسیلہ در وسیلہ جو رہے سر پر سدا قائم

ضرورت تا قیامت ہم کو پیر رہنما کی ہے

میری نظروں میں ہے ہر دم محی الدین کا روضہ

زعیمؔ اس روضۂ اقدس پہ خواہش اب قضا کی ہے