آ گئے دیکھ خیر_البشر غم نہ کر

آ گئے دیکھ خیر البشر غم نہ کر

پڑ گئی تجھ پہ ان کی نظر غم نہ کر

منزل قبر سے ڈر گیا کس لئے

قبر میں ہوں گے وہ جلوہ گر غم نہ کر

ان کے لطف و کرم کی کوئی حد نہیں

رب کی رحمت ہیں وہ سر بہ سر غم نہ کر

دیکھ زخموں سے چھلنی اگر تو ہوا

سب سے اچھے ہیں وہ چارہ گر غم نہ کر

گر یہاں حال تیرا نہ پوچھے کوئی

خود وہ رکھتے ہیں تیری خبر غم نہ کر

رب کی پہچان کی گر تجھے آس ہے

بن جا عارف انہیں دیکھ کر غم نہ کر

تو بھٹک جائے رستے سے ممکن نہیں

مصطفیٰؐ ہیں ترے راہبر غم نہ کر

مانگ جو مانگتا ہے ملے گا تجھے

مرکز جود ہے ان کا در غم نہ کر

تھام دل کو اور اشکوں سے آنکھوں کو دھو

آ گیا دیکھ طیبہ نگر غم نہ کر

غم زدوں کے وہ جب خود مددگار ہیں

اب تو خوش ہو رضیؔ غم نہ کر غم نہ کر

ان سے مضبوط نسبت ہے تیری رضیؔ

تیرے مرشد ہیں ان کے پسر غم نہ کر