رخ پہ رحمت کا جھومر سجائے کملی والے کی محفل سجی ہے

رخ پہ رحمت کا جھومر سجائے کملی والے کی محفل سجی ہے

مجھ کو محسوس یہ ہو رہا ہے ان کی محفل میں جلوہ‌ گری ہے

نعت حسن شہ دوسرا ہے نعت ہی ذکر رب العلیٰ ہے

نعت لکھنا میری زندگی ہے نعت پڑھنا میری زندگی ہے

عاشقو تم اگر چاہتے ہو ہو زیارت در مصطفیٰ کی

دل کی جانب نگاہیں جھکا لو سامنے مصطفیٰ کی گلی ہے

مجھ کو فکر شفاعت ہو کیوں کر وہ کریموں کا سایہ ہے سر پر

اک طرف رحمت مصطفیٰ ہے اک طرف لطف مولا علی ہے

وہ سماں کیسا ذیشان ہوگا جب خدا مصطفیٰؐ سے کہے گا

اب تو سجدے سے سر کو اٹھا لو آپ کی ساری امت بری ہے

واسطہ سید کربلا کا واسطہ فاطمہ کی ردا کا

میری جھولی بھی سرکار بھر دو آپ نے سب کی جھولی بھری ہے

جب نہ آئے تھے وہ شاہ شاہاں سونی سونی تھی یہ بزم امکاں

ان کے آنے سے رونق ہوئی ہے ان کے آنے سے بگڑی بنی ہے