نظر آتے ہیں پھول سب کے سب
نظر آتے ہیں پھول سب کے سب
حرفِ نعتِ رسول سب کے سب
ان کی تقلید کر کے سیکھے ہیں
رہبری کے اصول سب کے سب
آپ کے فلسفے کے بعد حضور
فلسفے ہیں فضول سب کے سب
ان کے آنے سے پہلے اہل عرب
تھے ظلوم و جہول سب کے سب
مہر و ماہ و نجوم و کاہکشاں
پائے اقدس کی دھول سب کے سب
مقتدی تھے امام اقصیٰ کے
انبیا و رسول سب کے سب
شعر جو نعت کے کہے ہیں صبیحؔ
کاش وہ ہوں قبول سب کے سب
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
