ان کا احساں ہے خدا کا شکر ہے
ان کا احساں ہے خدا کا شکر ہے
دل ثنا خواں ہے خدا کا شکر ہے
اسوۂ خیر البشر ہے سامنے
راہ آساں ہے خدا کا شکر ہے
دولتِ عشقِ نبی سینےمیں ہے
پاس ایماں ہے خدا کا شکر ہے
غم نہیں کوئی کہ اسمِ مصطفیٰ
راحتِ جاں ہے خدا کا شکر ہے
مجھ سا عاصی اور شہر نور میں
ان کا مہماں ہے خدا کا شکر ہے
ذکر حمد و نعت سے آراستہ
محفلِ جاں ہے خدا کا شکر ہے
میرے فکر و فن کا میری زیست کا
نعت عنواں ہے خدا کا شکر ہے
ان کے در پر حاضری کا اے صبیحؔ
پھر سے امکاں ہے خدا کا شکر ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
