آپ سب سے جدا سیدہ عائشہ
دلچسپ معلومات
منقبت در شان حضرت عائشہ صدیقہ
آپ سب سے جدا سیدہ عائشہ
جانِ خیرالوریٰ سیدہ عائشہ
آپ نورِ نگاہِ حبیبِ خدا
کیسا رتبہ ملا سیدہ عائشہ
جلوہ گر جس میں تھے سرورِ انبیا
وہ ٹھکانا ملا سیدہ عائشہ
آپ کی شان لفظوں میں ہو کیا بیاں
ہیں وفا ہی وفا سیدہ عائشہ
ہر گھڑی آپ کے سامنے ہی رہا
چہرۂ والضحیٰ سیدہ عائشہ
آخری وقت تھیں پاس محبوب کے
فخر ہے آپ کا سیدہ عائشہ
آپ کی شانِ اقدس کی کیا بات ہے
ذکر ہے جا بجا سیدہ عائشہ
شامل اپنی کنیزوں میں کر لیجبے
مجھ کو بہرِ خدا سیدہ عائشہ
نازؔ کی سوچ اور فہم سے ہے ورا
آپ کا مرتبہ سیدہ عائشہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
