بس گئی ہے دل میں آقا کی محبت کی مہک
بس گئی ہے دل میں آقا کی محبت کی مہک
کر گئی جاں کو معطر ان کی شفقت کی مہک
ہر گھڑی رہتی ہیں یہ پیاسی نگاہیں منتظر
کاش مل جائے کبھی ان کی زیارت کی مہک
میرے لب پر ہیں ترانے آپ کی توصیف کے
اور سمائی ہے مری سانسوں میں مدحت کی مہک
جب سے آقا کی غلامی کی سعادت مل گئی
دیتی ہے تسکین دل کو ان کی نسبت کی مہک
گلشنِ طیبہ کے غنچے پھول کلیاں واہ واہ
ہے بہاروں کا سماں آتی ہے جنت کی مہک
ذکرِ احمد سے ملی ہے میرے من کو روشنی
ہر طرف پھیلی ہوئی ہے اُن کی جلوت کی مہک
مٹ گئی ہیں دوریاں اب زندگی پُر کیف ہے
مل گئی ہے نازؔ کو آقا کی قربت کی مہک
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
