کسی پتھر پہ گھسنے سے نہ آب_زر سے جاتا ہے

کسی پتھر پہ گھسنے سے نہ آب زر سے جاتا ہے

گنہ کا داغ ذکر ساقیٔ کوثر سے جاتا ہے

ہوائیں بوسہ لیتی ہیں نظارے رقص کرتے ہیں

کوئی واپس جب اپنے گھر نبی کے در سے جاتا ہے

در سرکار کے ابر کرم کی بات مت پوچھو

برستا ہے یہ جس دم تو مسلسل برسے جاتا ہے

غم ہجر نبی ایسا انوکھا غم ہے ہر غم سے

یہ غم کوئی دوا سے نہ کوئی منتر سے جاتا ہے

بہت آتا ہے مجھ کو یاد اس دم گنبد خضریٰ

کبوتر جب کوئی ہو کر مرے چھپر سے جاتا ہے

زمیں سے عرش پر پہنچے جب آقا تب ہوا ثابت

خدا کے گھر کا رستہ مصطفیٰؐ کے گھر سے جاتا ہے

فروغؔ آقا کا یہ پیغام دنیا کو سنا دو تم

کہ ڈر دنیا کا سینے سے خدا کے ڈر سے جاتا ہے