انداز_نوازش یہ سخاوت ہی الگ ہے

انداز نوازش یہ سخاوت ہی الگ ہے

اے یار مرے تیری عنایت ہی الگ ہے

عقبیٰ کا کوئی خوف نہ دنیا کا ڈر مجھے

میرے صنم کی مجھ پہ قیادت ہی الگ ہے

رضواں تری جنت کی حقیقت تو سہی ہے

محبوب کے روضے کی زیارت ہی الگ ہے

بکھری ہوئی ہے ہر سو جو نورانی فضائیں

دربار فضیلت کی تو رنگت ہی الگ ہے

سر پر بٹھا رہے ہیں مجھے لوگ اس لیے

انداز مرا تیری بدولت ہی الگ ہے

اے سرفرازؔ چوم کے بڑھ کر در جاناں

کہتا ہے زمانہ تری نسبت ہی الگ ہے