مستوں کا آپ کے ہے عجب سطحِ نظر

مستوں کا آپ کے ہے عجب سطحِ نظر

کرتے ہیں سجدہ آپ کی چوکھٹ کو چوم کر

یہ بارگاہِ حسن عدیم المثال ہے

روح الامیں جھکاتے ہیں اس آستاں پہ سر

عاشق خدا ہے خود بھی تمہارے جمال پر

ثانی ہیں تمہارا کوئی شاہِ بحر و بر

نبیوں کے پیشوا ہو خدا کے حبیب ہو

تم سا ہوا، نہ ہوگا کہیں کوئی خوب تر

تم رونقِ ازل ہو، تمہی حسن کائنات

تم سے ہے فیض یاب ہر آئینہ نظر

ستارؔ وارثی ہے یہی میری بندگی

نعتِ رسولِ پاک ہے میری زبان پر