عرشِ بریں سے نورِ خدا جلوہ بار ہے

عرشِ بریں سے نورِ خدا جلوہ بار ہے

ہر شے جمالِ یار کی آئینہ دار ہے

آرائشِ چمن سے فضا مشک بار ہے

جس سمت دیکھو صل علیٰ کی پکار ہے

آج آمدِ حضور ہے جشنِ بہار ہے

آمد ہے ان کی جن کا تھا نبیوں کو انتظار

آمد ہے ان کی جو ہیں رسولوں میں ذی وقار

آمد ہے ان کی جو ہیں دو عالم کے تاجدار

آمد ہے ان کی جن کے کرم کا نہیں شمار

وہ آرہے ہیں جن سے خدا کو بھی پیار ہے

ہر چشم تر سے ان کی محبت ہے آشکار

دیدار کی خوشی میں ہر اک دل ہے بے قرار

ان کے رخ حسین پہ دل و جان سب نثار

بخشا خدا نے ان کو دو عالم کا اختیار

ان کا جود رحمتِ پروردگار ہے

وہ بادشاہِ حسن ہیں وہ سیدالبشر

مِنت گزار ان کے سلاطین و تاجور

لاکھوں درود اور سلام ان کی ذات پر

ستارؔ مجھ کو کہتے ہیں ان کا گدائے در

میرا نصیب باعثِ صد افتخار ہے