اے بے نیاز مالک پیارا ہے نام تیرا

اے بے نیاز مالک پیارا ہے نام تیرا

دل میں ہے یاد تیری لب پر کلام تیرا

ہے جان ناتواں کو تسکین نام تیرا

ہر سانس دے رہی ہے دل کو پیام تیرا

مسجد کی ہر اذاں میں ناقوس کی فغاں میں

بجتا رہے گا ڈنکا ہر صبح وشام تیرا

آغوش میں عطا کے میری خطا چھپائے

عصیاں ہے کام میرا بخشش ہے کام تیرا

آنکھوں میں میری آ جا دل میں میرے سما جا

جپتا ہوں تیری مالا رٹتا ہوں نام تیرا

بت خانہ میں نہ پایا کعبہ بھی دیکھ آیا

دل نے مجھے بتایا آخر مقام تیرا

لو میں سراج تیری جلتا رہے گا کب تک

اس پر بھی لطف یہ بھی ہے اک غلام تیرا