تجھے ڈھونڈتا ہوں تری جستجو ہے

تجھے ڈھونڈتا ہوں تری جستجو ہے

مرے دل میں تو، میری آنکھوں میں تو ہے

ترے دم سے رونق ہے باغِ جہاں کی

گلوں میں ترا رنگ کلیوں میں بو ہے

نہیں بادشاہوں کو بھی وہ میسر

گدائے درِ شہ کی جو آبرو ہے

کھلے پھول گلزارِ عالم میں لاکھوں

مگر ان میں تیری سی خو ہے نہ بو ہے

کہیں من رانی کہیں لن ترانی

جہاں سے نرالی تری گفتگو ہے

زیارت مجھے جیتے جی ہو میسر

یہی ایک اشرفؔ مری آرزو ہے