مرتبہ سب میں جن کا اعلیٰ ہے

مرتبہ سب میں جن کا اعلیٰ ہے

اپنا آقا وہ کملی والا ہے

سنگِ در دیکھنے میں کالا ہے

صبح امید کا اجالا ہے

چاند اپنا مدینہ والا ہے

نور ہی نور کا اجالا ہے

خانقاہی نظام میں پھر سے

سنجری دور آنے والا ہے

حرف بے صوف علم سینہ ہے

درس میں صرف قال قالا ہے

کان خاموش سن رہے ہیں صدا

آنکھ بند اور لب پہ تالا ہے

آمد و شد نفس کی کہتی ہے

آنے والا ہی جانے والا ہے

قادر و چشت نائبانِ رسول

ہند کا میکدہ سنبھالا ہے

اے بہار چمنستانِ وطن

چشت کیا ہے بہشت والا ہے

ہے سگِ آستانِ عالی جاہ

تیرے سالکؔ کا بول بالا ہے