لو نام بعد رب کے شام و سحر نبی کا

لو نام بعد رب کے شام و سحر نبی کا

رکھتے ہیں نور دل میں جن و بشر نبی کا

خلوت نشیں ہیں دل میں ہے آنکھ میں تجلی

یہ بھی ہے گھر نبی وہ بھی ہے گھر نبی کا

اک نور لیے ہوئے ہیں دونوں مقام روشن

کعبہ میں گھر خدا کا طیبہ میں گھر نبی کا

مولود کی مبارک بیشک یہ محفلیں ہیں

چرچا ہے خوب گھر گھر آٹھوں پہر نبی کا

دستِ نبی سے پایا قرآن مؤمنوں نے

آفاق میں لقب ہے خیرالبشر نبی کا

اس خاکِ در سے سب کی آنکھوں میں نور آیا

روشن ہے نام جس سے ہر قلب پر نبی کا

مسعودؔ ہو مبارک حاجی کو سنگ اسود

میرے لیے ہے کافی بس سنگ در نبی کا