آنکھوں میں پھر رہا ہے جمالِ ابوالعلا

آنکھوں میں پھر رہا ہے جمالِ ابوالعلا

دل میں بسا ہوا ہے خیالِ ابوالعلا

آنکھوں میں ہے وہ نور کی تصویر جلوہ گر

جلوے دکھا رہا ہے جمالِ ابوالعلا

پھولا پھلا ہوا ہے گلستانِ نقشبند

تازہ بہار پر ہے نہالِ ابوالعلا

اللہ یاد آتا ہے اس رخ کو دیکھ کر

مرآۃ حق نما ہے جمالِ ابوالعلا

بس ایک یا کا فرق علی و علا میں ہے

ہم شکل مرتضیٰ ہیں جمالِ ابوالعلا

محسن وطن سے دیکھ کے خوش خوش صفر کا چاند

آیا ہوں دیکھنے کو ہلالِ ابوالعلا