مرادِ دل مرادِ چشم تر سرکارِ جیلانی

مرادِ دل مرادِ چشم تر سرکارِ جیلانی

تقاضائے محبت سر بسر سرکارِ جیلانی

قدم سے آپ کے رونق ہیں سارے بزمِ امکاں کو

شہِ عالم شہ جن و بشر سرکارِ جیلانی

علی کے جانشیں اور حضرت حسنین کے پیارے

کہ وہ ہیں بیخ اور تم ہو ثمر سرکارِ جیلانی

تمہاری عبدیت ایسی ہے جیسے نور ایماں ہو

نبوت اور طریقت کے گہر سرکارِ جیلانی

تمہارا نام لینے کے تو میں قابل نہیں اب تک

خدا را لیجیے میری خبر سرکارِ جیلانی

تمہیں دستِ یداللہ ہو تمہیں شمع نبوت ہو

تمہیں سے ہے منور ہر نظر سرکارِ جیلانی

جناب سیدہ کا واسطہ حسنین کا صدقہ

کرم کیجے خدا را رازؔ پر سرکارِ جیلانی