نام لے لوں گا ان کا جو منجدھار میں پار کرنے کو دھارے مچل جائیں گے

نام لے لوں گا ان کا جو منجدھار میں پار کرنے کو دھارے مچل جائیں گے

میری کشتی کے لینے کو آغوش میں ناخدا خود کنارے مچل جائیں گے

جب سرِ حشر اے رحمۃ اللعالمیں نام لیوا تمہارے مچل جائیں گے

رحمتِ حق بھی آجائے گی جوش میں بخششوں کے سہارے مچل جائیں گے

بخش دے گا خطائیں خدا کی قسم داورِ حشر ہر اک گنہ گار کی

دیکھ کر اپنی امت کی مایوسیاں جب پیغمبر ہمارے مچل جائیں گے

حُسن کے ان کی تعریف میں کیا کروں وہ ہیں نورِ مجسم خدا کی قسم

اپنے جلوے لٹانے کو سرکار پر بالیقیں چاند تارے مچل جائیں گے

تو گنہ گار کیوں اتنا مایوس تھے بڑھ کے دمانِ محبوبِ حق تھام لے

دیکھ کر آہ و زاری تری حشر میں دو جہاں کے دلارے مچل جائیں گے

میں ہوں شیداؔ تمارا شبیہ دوجہاں دیکھ کر چاک داماں مرا بے گماں

صدقے ہونے کو دیوانگی پر مری عرشِ اعظم کے تارے مچل جائیں گے