صبح_صبح روشن ہے رات_رات روشن ہے

صبح صبح روشن ہے رات رات روشن ہے

اے خدا دو عالم میں ذات تیری روشن ہے

ڈال ڈال روشن ہے پات پات روشن ہے

تیرے دم سے پھولوں کی کائنات روشن ہے

تم نے کس سیاہی سے لکھ دیا قرآن ایسا

حرف حرف روشن ہے بات بات روشن ہے

ہے زمیں پر بھی روشن تیری جلوہ آرائی

اور فلک پر تاروں کی اک برات روشن ہے

اس قدر فروزاں ہے شمع تیری یادوں کی

جیسے رات پر نم کی میرے ساتھ روشن ہے

قدسیاں عرش بھی چومتے ہیں آ کر کے

جب سے شمیم انجمؔ کے لب پہ نعت روشن ہے