شریعت غوث_اعظم کی طریقت غوث_اعظم کی

شریعت غوث اعظم کی طریقت غوث اعظم کی

نظام دین و دنیا ہے امانت غوث اعظم کی

جدا ارمان ہوگا اور نہ حسرت غوث اعظم کی

رہے گی درد دل بن کر محبت غوث اعظم کی

جمال مصحف شیر خدا عکس رسول اللہ

ہے نقشہ غوث اعظم کا ہے صورت غوث اعظم کی

نگاہ پیر میخانہ سے مے جس جس نے پائی ہے

اسی کے کام آئے گی حمایت غوث اعظم کی

دیا کرتے ہیں بے حاجت ملا کرتی ہے بے مانگے

ہماری گھر کی دولت ہے یہ دولت غوث اعظم کی

یہ بالکل غیر ممکن ہے ملیں دنیا کے بدلے میں

مرا ایمان ہو سکتا ہے قیمت غوث اعظم کی

زباں پر اپنی ہم اوصاف اے منظورؔ کیا لائیں

دو عالم میں ہے خود روشن کرامت غوث اعظم کی