خود_بہ_خود دل مرا ان پہ قربان ہے

خود بہ خود دل مرا ان پہ قربان ہے

میں کا سارے زمانے پہ احسان ہے

قول سرکار طیبہ کا کیا پوچھنا

بالیقیں حق تعالیٰ کا فرمان ہے

دولت عشق احمد سلامت رہے

دونوں عالم میں مومن کی پہچان ہے

مصطفیٰ سے محبت کیا کیجیے

روز محشر یہ بخشش کا سامان ہے

رشک خلد بریں جس کو کہتے ہیں سب

سید الانبیا کا وہ ایوان ہے

شق ہوا چاند کنکر نے کلمہ پڑھا

دیکھیے دیکھیے ان کی کیا شان ہے

میں کے تلووں کی دھون ہے آب شفا

ان کے جیسا بھلا کوئی انسان ہے

نعت گوئی کا مجھ کو شرف مل گیا

یہ تو شارقؔ عقیدت کا فیضان ہے