محفل سجی ہوئی ہے خیر_الانام کی

محفل سجی ہوئی ہے خیر الانام کی

ڈالی سجا رہا ہوں درود و سلام کی

دامن کو اپنے سائلو آکر پسار لو

خیرات بٹ رہی ہے محمد کے نام کی

الفت رسولؐ پاک کی جس کو نہیں ملی

عزت وہ کیوں کرے گا نبی کے غلام کی

آؤ اٹھا کے لے چلیں خاک در رسول

یہ خاک پاک ہے سبھی لوگوں کے کام کی

قسمت جو لے کے جائے گی دربار مصطفیٰ

خواہش کروں گا میں وہاں ہر پل قیام کی

مسرور رکھے سب کو جو سب کا بھلا کرے

مدحت سرائی کیجیے ایسے نظام کی

تعریف کر رہا ہوں رسولؐ خدا کی میں

تائید ہو رہی ہے خدا کے کلام کی

شارقؔ سبھی اماموں کی عزت کرو مگر

تقلید کیجئے گا فقط اک امام کی