جن کے بھی دل میں ہوتی ہے الفت غوث_پاک کی

جن کے بھی دل میں ہوتی ہے الفت غوث پاک کی

وہ اپنا لیتا ہے ہر پل سیرت غوث پاک کی

فقط مرے نہیں ہیں وہ سب ولیوں کے سردار ہیں

دیکھنے والوں دیکھ لو آکر رفعت غوث پاک کی

مردوں کو زندہ کر دینا شان یہ کس کی ہے بتلاؤ

خدا کی جانب سے دکھتی ہے کرامت غوث پاک کی

قرانی عرفانی اور ایمانی رتبہ کس کا ہے

جان رہی ہے ساری دنیا عظمت غوث پاک کی

ہاتھ سے دامن کبھی نہ چھوٹے عرض یہی ہے میری خدا سے

ترک نہ ہونے پائے مجھ سے نسبت غوث پاک کی

رحمت کی برسات یقیناً ہوتی ہے ہر آن وہاں پر

کتنی پر عظمت ہے لوگوں تربت غوث پاک کی

شارقؔ ان کو خوف نہیں ہے روز محشر کا کچھ بھی

صدق دل سے کرتے جو ہیں مدحت غوث پاک کی