گدا ہے مستی میں گا رہا ہے کلام_خواجہ امیر امیر خسرو

گدا ہے مستی میں گا رہا ہے کلام خواجہ امیر امیر خسرو

غلام ہو کر غلام بن کر غلام خواجہ امیر خسرو

وہ جوتیاں سر پہ اپنے رکھ کے چلے ہیں خدمت میں پیر کی جب

مقام شاہوں سے بھی سوا ہے مقام خواجہ امیر خسرو

کرو گے جب نام ورد ان کا ملے گی راحت یقین جانو

ہر ایک مشکل کو حل کرے گا یہ نام خواجہ امیر خسرو

عقیدتیں خود ہی ہوں گی ظاہر کرو گے خدمت جو پیر کی پھر

سبق یہ دیتا ہے ہم سبھی کو یہ گام خواجہ امیر خسرو

دیوانہ کہتے ہیں لوگ مجھ کو دیوانگی بھی سوا رہے اب

ہر اک سو دے رہا ہے جلوہ یہ جام خواجہ امیر خسرو

سلام میرا بھی کیوں نہ پہنچے سلام ہی سلسلہ ہے میرا

پہنچ رہا شیخ کربلا میں سلام خواجہ امیر خسرو