ذہن_و_دل میں آپ کی الفت کی جو تنویر ہے

ذہن و دل میں آپ کی الفت کی جو تنویر ہے

ہر گھڑی نظروں میں آقا آپ کی تصویر ہے

عرش و فرش و بحر و بر دشت و جبل ہر اک جگہ

تذکرہ ہے آپ کا اور آپ کی توقیر ہے

مہر و مہ کی روشنی ہو یا کہ انوار نجوم

جو بھی جلوہ ہے جہاں میں آپ کی تنویر ہے

روز و شب کا ایک ایک لمحہ جو بھی ہے آپ کا

وہ تو قرآن مبیں کی واقعی تفسیر ہے

ہے زیارت آپ کی دنیا میں جس کو بھی نصیب

اللہ اللہ دوستو اس کی بڑی تقدیر ہے

آپ کی امت میں جو پیدا کیا اللہ نے

جانے کس کے خواب کی حسانؔ یہ تعبیر ہے