عاشق ہوں اور دل سے شیدا حضور کا

عاشق ہوں اور دل سے شیدا حضور کا

یا رب دکھا دے مجھ کو مدینہ حضور کا

اک دو صدی کی بات نہیں صاحبان عقل

تا حشر ہے ہر ایک زمانہ حضور کا

منکر نکیر آئیں گے جب میری قبر میں

پڑھتا رہوں گا میں تو قصیدہ حضور کا

ہوش و حواس ہو گئے اس ہوش کل میں گم

میں نے پیا ہے جب سے پیالہ حضور کا

محبوب کو محب کی طلب کہتے ہیں اسے

سدرہ سے آگے عرش پہ جانا حضور کا

کل رات چودھویں کا رہا چاند عرش پر

کچھ نے کہا کہ یہ تو ہے تلوا حضور کا

سلطانؔ ان کا ہو کے میں بے فکر ہو گیا

منگتا حضور کا ہوں میں منگتا حضور کا