دے کے روحانی علم و ہنر مصطفیٰ

دے کے روحانی علم و ہنر مصطفیٰ

بخشے ہیں مؤمنوں کو وقر مصطفیٰ

امر والوں میں روحانی انسان ہے

اس کو دیتے ہیں کل کی خبر مصطفیٰ

موت سے پہلے وارد کرے موت کو

خود یہ کہتا ہوا وہ اگر مصطفیٰ

چھوڑ سب کچھ جو حاصل کرے گا یہ فن

بالیقین اس کے ہوں راہبر مصطفیٰ

فاتح موت بن کر وہ زندہ رہے

نہ میرے پھر کہ ہوں گے سپر مصطفیٰ

اس کے افکار و گفتار و کردار میں

کر دیے ہیں و دیعت اثر مصطفیٰ

جو بھی روحانت پر ہو فائز سدا

اس پہ نگراں ہیں شام و سحر مصطفیٰ

جب کہ ایمان ہے معیارِ روحانیت

ہوگا روحانی ایماں ہو بر مصطفیٰ

تزکیہ تصفیہ تخلیہ پالیا

روح پر قرب کا کھولیں در مصطفیٰ

بن کے روحانی بندوں کی قسمت بدل

کردیں مخلوق میں فخر ور مصطفیٰ

دیر سے اس کا سیدؔ بھی ہے منتظر

’’ڈال دیجے کرم کی نظر مصطفیٰ‘‘