سرکار شاہ مسلم چشمِ کرم خدا را

سرکار شاہِ مسلم چشمِ کرم خدا را

اک تو ہی ہے جہاں میں آقا مرا سہارا

صورت میں ہم نے تیری سرکار شاہِ مسلم

دیکھا ہے عکسِ حسنِ سرکار کا نظارہ

بکوا کا رہنے والا مسلم پیا ہمارا

مولیٰ علی کا دلبر حسنین کا ہے پیارا

در سے ہے منحصر جو آقا مری کہانی

در چھوڑ کر کے اب میں جاؤں کہاں تمہارا

خالی گیا نہ کوئی در سے ترے سوالی

منگتوں کا آقا تیرے در سے ہی ہے گزارا

جب بھی کبھی کہیں بھی مشکل گھڑی ہے آئی

ہم نے صدا وہیں پر شاہا تجھے پکارا

بن جائیں گے سبھی کے بگڑے ہوئے مقدر

بس ایک بار کر دیں مسلم پیا اشارا

آرام فرما تجھ میں مسلم پیا ہے بکوا

سو اس لیے ہی تیرا ہے اوج پر ستارا

کوئی کہے نہ اپنا پر تم کہونا آقا

یہ جو حسنؔ ہے لوگوں یہ ہی تو ہے ہمارا